Webtoon ကိုအခြေခံထားသည့် လူကြိုက်များသောဇာတ်လမ်းတွဲ Hive တွင်...
နာမည်ကျော်ခြောက်ခြားဖွယ် Webtoon ဇာတ်လမ်း Hive ကို အခြေခံထားသည့် ဒရာမာဇာတ်လမ်းတွဲတွင် မာဒေါင်ဆော့က ပါဝင်သရုပ်ဆောင်သွားမည်ဖြစ်ကြောင်း ထုတ်လုပ်ရေးကုမ္ပဏီက သြဂုတ် ၁၂ ရက်တွင် အတည်ပြုထားသည်။ ယင်းဇာတ်လမ်းသည် ကြီးမားသော အင်းဆက်ပိုးကောင်များက လူသားများကို လိုက်လံသောင်းကျန်းသည့် ကမ္ဘာပျက်သည့် ပမာဖြစ်နေသော အနာဂတ်အချိန်ကို ရိုက်ကူးပုံဖော်ထားခြင်းဖြစ်သည်။ ကြောက်မက်ဖွယ် အကောင်များကြောင့် ပျက်စီးနေသော မြို့အတွင်း အသက်ရှင်ကျန်ရစ်သူများက ၎င်းတို့အသက်ရှင်သန်ရေးအတွက် တိုက်ခိုက်ကြပုံကို မြင်တွေ့ရမည်ဖြစ်သည်။ မာသည် ယင်းဇာတ်လမ်းတွဲတွင် ကြီးမားသည့် ပိုးကောင်များကို နှိမ်နင်းသည့်နေရာတွင် ကျွမ်းကျင်သည့် သက်ကြီးစစ်သားတစ်ဦးဖြစ်သော ဂေးဂျန်ဆိုးဇာတ်ကောင်နေရာမှ ပါဝင်သရုပ်ဆောင်သွားမည်ဖြစ်သည်။ Hive သည် တောင်ကိုရီးယားရှိ Streaming platform မူလဇာတ်လမ်းတွဲများတွင် ငွေကြေးအများဆုံးအသုံးပြုမည့် ဇာတ်လမ်းတွဲဖြစ်လာရန် မျှော်မှန်းထားသည်။.
